ZBULOHET ARSYEJA PSE PESHKAQENËT SULMOJNË MË SHUMË BURRAT SESA GRATË!

Nga Lorena Stroka

Një tjetër dhembje koke u është shtuar biologëve të detit që merren me studimin e peshkaqenëve të bardhë. Nga të dhënat e një kërkimi të kryer në Universitetin e Bondi-it, në Kuinsland të Australisë, u gjet se “gjuetarët e tmerrshëm” kur arrijnë në pikën që të sulmojnë njerëz, çuditërisht parapëlqejnë më shumë burrat sesa gratë!

Ekspertët e universitetit, që studiuan dhjetra sulme peshkaqenësh ndaj njerëzve, të regjistruara nga viti 1982-2011 në Australi, por edhe në vende të tjera, zbuluan se në 84% të rasteve, viktimat ishin burra. Lidhur me këtë, specialistët e fushës mundohen të japin një shpjegim bindës. Ata besojnë se fakti që burrat qëndrojnë më shumë sesa gratë në ujë, rrit gjasat për sulm ndaj tyre./albstroka.com/

© AlbStroka.com