TRUKET STILISTIKE QË JU BËJNË TË DUKENI MË TË GJATA

© Lorena Stroka

Përshëndetje të gjithëve!

Në qoftë se nëna natyrë nuk ju dha gjatësinë e dëshiruar, kjo nuk do të thotë se duhet të ndiheni keq, as të qëndroni 24 orë në ditë në majë të takave! Nuk është çështje turpi, por lodhjeje! Për fat të mirë, ka disa truke stilistike, të cilat mund t’ju bëjnë të dukeni më të gjata, më të holla, dhe mbi të gjitha më vetëbesuese!

Personalisht dhe pse nuk bëj pjesë te femrat shtatshkurtra (jam 1.70 cm e gjatë dhe 57 kg peshë), mjaftueshëm e gjatë do të thoja për mesataren shqiptare, prapësëprapë i ndjek dhe vetë këto këshilla për t’u dukur sa më bukur.

Balancimi i siluetës suaj

Rregulli i parë themelor për ta bërë shtatin tuaj të duket më i lartë, është balancimi i krijuar me ndihmën e rrobave. Për t’u dukur më të gjata. zgjidhni të vishni një cropped top (gjysmë-bluzë) dhe një fund ose pantallona me bel të lartë.

Ngjyra të errëta

Ngjyrat e errëta krijojnë përshtypjen e siluetës së gjatë më shumë sesa ngjyrat e hapura. Extra tip: Përdorni të njëjtën ngjyrë pantallonash me këpucët, me qëllim që të krijohet iluzioni i silutesë së pa-shkëputur…

Jo fustaneve te gjata

Fustanet sikurse dhe fundet e gjata në vend që t’ju tregojnë më të gjata, ju bëjnë të dukeni më të shkurtra. Vishni më shumë funde dhe fustane të shkurtra, natyrisht nëse keni këmbë të bukura, në të kundërt, preferojini më të gjata, por me taka të larta.

Po – rrobave me vija vertikale

Rrobat me vija/shirita janë paksa të çuditshme. Vizat horizontale shtojnë volumin dhe nuk duken këndshëm në trupin e femrave të shkurtra, ndërkohë që vijat vertikale zgjasin siluetën, duke e bërë atë më tërheqëse.

Po – dekoltesë

Dekolteja shton volumin në pjesën e sipërme të trupit, rrjedhimisht përforcon iluzionin e gjatësisë.

Zgjidhni këpucët e duhura

Kur je shtatshkurtër zgjedhja e këpucëve të duhura luan rol kryesor. Shmangni përdorimin e platformave të tepërta dhe gjysmë-çizmeve sepse i bëjnë këmbët të duken më të trasha e më të shkurtra. Mbathja e këpucëve me ngjyra të hapura është më e duhura në këto raste.

Veshje me bel të lartë

Nuk ka rëndësi nëse ato janë funde apo pantallona. Kryesorja është që të jenë me bel të lartë.

Mos përdorni çanta të mëdha

Çantat e mëdha me apo pa zbukurime gjithmonë tërheqin vëmendjen e të tjerëve, zakonisht për keq. Nëse jeni të shkurtra, kjo është një arsye e mirë për të mos i mbajtur, pasi ju bëjnë të dukeni akoma më të shkurtra. Çantat e vogla janë zgjedhja më e mirë, të cilat përveçse ju shtojnë stil dhe elegancë, ju bëjnë të dukeni edhe më të gjata./albstroka.com/

© AlbStroka.com