STUDIMI MË I RI TREGON SE PERSONAT MBI 40 VJEÇ NUK DUHET TË PUNOJNË MË SHUMË SE…

Nga Lorena Stroka

Le të jemi të sinqertë: askujt nuk i pëlqen të punojë pesë ditë në javë. Por nëse jeni duke kërkuar një arsye të fortë për të punuar më pak, mos u shqetësoni: shkenca është këtu për t’ju mbështetur, sidomos nëse jeni mbi të 40-at.

Sipas një studimi të botuar në Melbourne Institute Worker Paper, personat mbi 40 vjeç janë më prodhimtarë kur punojnë tre ditë në javë ose më pak.

Shkencëtarët arritën në këtë përfundim pasi monitoruan dhe vlerësuan 3,000 burra dhe 3.500 gra që ishin pjesë e hulumtimit. Gjatë studimit, studiuesit u kërkuan pjesëmarrësve të përfundonin një numër testesh njohëse, dhe më pas analizuan kushtet e punës për secilin, si dhe nivelin/aftësinë e kujtesës, nxjerrjen e përfundimeve dhe veprimeve logjike, si dhe arsyetimin abstrakt.

Testet njohëse përfshinin leximin e një teksti nga fundi në krye, leximin e fjalëve me zë të lartë, dhe përputhjen e numrave me shkronjat nën presionin e kohës.
U vërejt se performanca e pjesëmarrësve përmirësohej gradualisht, ndërsa studiuesit rrisnin orët e punës, duke i çuar ato në 25 orë në javë. Sidoqoftë, pas 25 orësh punë në javë, studiuesit zbuluan se performanca e pjesëmarrësve filloi të bie si në burra ashtu edhe në gra.

Madje, u zbulua se ata që punuan 55 orë në javë shfaqën performancë të dobët  në testet njohëse, më keq sesa ata që ishin në pension ose të papunë!

Shkalla e zgjimit mendor e një personi varet nga orari i punës. Puna mund të jetë një thikë me dy tehe, pasi mund të stimulojë aktivitetin e trurit, por në të njëjtën kohë, shumë orë pune shkaktojnë lodhje dhe stres, të cilat zvogëlojnë funksionet njohëse të një personi.
Ndryshimet në orët e punës janë të rëndësishme për ruajtjen e funksionit konjitiv në moshën e mesme dhe tek të moshuarit,  dhe se puna me kohë të pjesshme mund të jetë efektive në ruajtjen e aftësisë njohëse./AlbStroka.com

© AlbStroka.com