Si të dallosh “pinokun” që fshehin brenda vetes!

Nga Lorena Stroka

Ai që thotë: “Unë s’kam gënjyer kurrë”, THJESHT GËNJEN! Në periudha të ndryshme të jetës sonë të gjithë jemi “detyruar” të themi disa të tilla. Mirëpo ka gënjeshtra e gënjeshtra. Unë flas për gënjeshtra të vogla, pa zarar. Ka herë kur duam të rrimë vetëm, të mos flasim me askënd e gjatë asaj kohe ndodh që njerëzit që  na duan të mirën të na telefonojnë për të na pyetur se si jemi… pra, kur nuk përgjigjemi në një telefonatë të tillë, më vonë jemi të detyruar të justifikohemi, duke u thënë se kishim dalë shëtitje dhe se e kishim harruar telefonin në shtëpi ose bënim dush (e gjasme s’e dëgjuam). Dhe është tjetër gjë të shpifësh, të flasësh për gjëra që nuk kanë ndodhur kurrë. Për fat të keq, gënjeshtarët e kategorisë së dytë janë të shumtë dhe mjaft të rrezikshëm… Çuditërisht, shumë prej tyre janë aq ekspertë sa vështirësohesh shumë t’i dallosh – në qoftë se nuk je dhe vetë kryegënjeshtar…

Tashmë, pa nevojën e asnjë pajisjeje të veçantë mund të dallosh shumë lehtë nëse dikush të thotë të vërtetën apo të gënjen. Thjesht, shiko shprehjet e e fytyrës së tij. Disa kërkues nga Universiteti “Buffalo” i SHBA, zbuluan se ndërsa gënjeshtarët përpiqen të fshehin lëvizjet e tyre të fytyrës, nuk e arrijnë dot plotësisht, sepse gënjeshtra e bën trurin të mendohet shumë, duke vështirësuar kështu kontaktin fizik me njerëzit.

Vëreni me kujdes buzëqeshjen e rremë – se e vërteta krijon disa rrudha përreth syve. Një shenjë tjetër dalluese është kontakti i tepruar me sytë dhe kafshimi i buzëve – MIRË KËTA QË I KEMI AFËR E I DALLOJMË PO ME ATA QË KEMI LARG SI I VETE HALLI?

© Albstroka.com