Profesori Ateist dhe studenti (I)

Posted by: Lorena Stroka Posted date: September 03, 2012 In: Gnomonologji | comment : 0

Përktheu: Lorena Stroka

Profesori: Pra, beson në Zot?

Studenti: Sigurisht, zotëri.

Profesori: Është i mirë Zoti?

Studenti: Sigurisht.

Profesori: Është zoti i plotfuqishëm?

Studenti: Po.

Profesori: Vëllai im vdiq nga kancei pavarësisht se i lutej zotit që ta shëronte. Shumë prej nesh do mundoheshin të ndihmonin ata që do kishin nevojë. Ku është mirësia e Zotit?

Studenti: …

Profesori: S’përgjigjesh dot ëëë? A nuk është kështu? Le të rifillojmë, biri im. A është i mirë Zoti?

Studenti: Po.

Profesori: A është i mirë Djalli?

Studenti: Jo.

Profesori: Kush e krijoi Djallin?

Studenti: Zoti.

Profesori: Ligësia ndodhet kudo, apo jo? Dhe zoti i krijoi të gjitha, a s’është kështu?

Studenti: Po.

Profesori: Pra, kush e krijoi ligësinë?

Studenti: …

Profesori: Ka sëmundje, Imoralitet, Urrejtje, Shëmti? Pra, ekzistojnë këto elemente të këqija në botë?

Studenti: Po.

Profesori: Pra, kush i krijoi?

Studenti: …

Profesori: Shkenca thotë përdor pesë shqisat e tua për të njohur mjedisin që të rrethon dhe për t’u ambjentuar në të. Më thuaj, biri im, a e ke parë ndonjëherë Zotin?

Studenti: Jo, zotëri.

Profesori: E ke prekur ndonjëherë zotin? E ke shijuar ndonjëherë? I ke marrë erë? Nejse… e ke perceptuar ndonjëherë praninë e tij me ndonjë nga shqisat e tua?

Studenti: Jo, zotëri. Kam frikë se jo.

Profesori: Dhe prapë së prapë beson te Ai?

Studenti: Po.

Profesori: Mirë. Më thuaj, a ka ligësi në këtë botë?

Studenti: Po.

Profesori: Sipas shkencës zoti jot nuk ekziston. Ç’ke për të thënë këtu, biri im?

Studenti: Asgjë. Unë kam vetëm besimin tim.

Profesori: Po, besimin. Pikërisht kjo është problemi i shkencës.

Studenti: Zoti Profesor, ka ndonjë gjë që e quajmë ngrohtësi?

Profesori: Po.

Studenti: Dhe ka diçka që e quajmë ftohtësi?

Profesori: Po.

Studenti: Jo, zotëri, nuk ka. Mund të kesh ngrohtësi, nxehtësi, pak ngrohtësi ose aspak ngrohtësi. Por nuk ka asgjë që të quhet ftohtësi. Mund të shkojmë akoma dhe – 458 gradë celsius, që do të thotë aspak ngrohtësi, por nuk mund të shkojmë më poshtë se kjo. Nuk ka asgjë që të quhet e ftohtë/ftohtësi – është vetëm një fjalë që e përdorim për të përshkruar mungesën e ngrohtësisë. Nuk mund ta masim ftohtësinë. Ngrohtësia është energji. Ftohtësia nuk është e kundërta e ngrohtësisë, zotëri, por thjesht mungesa e saj./Albstroka/

vijon… Do mbeteni të habitur kur të mësoni se kush ishte STUDENTI!