Peshkaqeni me një sy!

Nga Lorena Stroka

Kushdo që ka lexuar Mitologjinë Greke patjetër që di dhe historinë e ciklopëve, krijesave të veçanta me një sy në ballë. Mirë po kujt do t’i shkonte ndërmend se pas kaq shekujsh shkencëtarët do të hasnin në një të “afërm” të tyre. Bëhet fjalë, për zbulimin e një peshkaqeni me një sy. Peshkaqeni specifik u lokalizua diku në Meksikë dhe është 56 cm i gjatë. Sipas National Geographic, këto lloje embrionesh (që janë vënë re kohët e fundit) kanë shumë pak shanse për të mbijetuar. Sidoqoftë, fenomene të tilla nuk rreshtin së tërhequri vëmendjen sa të shkencëtarëve po aq edhe të njerëzve të thjeshtë.

© Ndalohet ribotimi i shkrimit pa autorizimin e autores.