BATUTA “HISTORIKE”

Përktheu: Lorena Stroka

Libri: “Çrregullime në Gjykatat Amerikane” përfshin disa nga batutat më të qëlluara që janë dëgjuar ndonjëherë në salla gjyqësore. Batutat shkrirëse janë regjistruar tekstualisht nga gazetarët gjyqësorë në Amerikë, të cilët mezi mbanin të qeshurat nga breshëria e pyetjeve-përgjigjeve (historike).

GJYQTARI: Kjo miasthenia ndikoi kujtesën tuaj?

DËSHMITARI: Po.

GJYQTARI: Dhe në ç’mënyrë e ndikoi?

DËSHMITARI: Harroj.

GJYQTARI: Harroni? A mund të na jepni një shembull për diçka që keni harruar?

***

AVOKATI: Doktor, a nuk është e vërtetë që dikush që vdesë në gjumë, nuk e di deri mëngjesin e ardhshëm?

MJEKU: Vërtet, i kaluat provimet për ushtrimin e profesionit ligjor?

***

AVOKATI: Djali i vogël, 20 vjeç, ç’moshë ka?

DËSHMITARI: Është 20 vjeç, aq sa dhe IQ juaj.

***

AVOKATI: Ishit i pranishëm kur ju fotografuan?

DËSHMITARI: Tani talleni apo si e keni hallin?

***

AVOKATI: Dhe kishte tre fëmijë, apo jo?

DËSHMITARI: Po.

AVOKATI: Sa djem kishte?

DËSHMITARI: Asnjë.

AVOKATI: Kishte ndonjë vajzë?

DËSHMITARI: Z. Prokuror, kam nevojë për avokat tjetër.

***

AVOKATI: A mund të na përshkruani personin?

DËSHMITARI: Ishte trup mesatar, dhe kishte mjekër.

AVOKATI: Ishte burrë apo grua?

DËSHMITARI: Në qoftë se s’kish ardhur ndonjë cirk në qytet, ndoshta qe burrë do thoja unë.

***

AVOKATI: Si përfundoi martesa juaj e parë?

DËSHMITARI: Për shkak vdekjeje.

AVOKATI: Kush vdiq?

DËSHMITARI: Ja imagjino…

***

AVOKATI: Doktor, të gjitha autopsitë i keni kryer në njerëz të vdekur?

MJEKU: Po, siç e dini, të gjallët s’pranojnë lehtë.

***

AVOKATI: A e mbani mend orën e ekzaminimit të trupit?

MJEKU: Autopsia filloi rreth 8:30 paradite.

AVOKATI: Dhe z. Nedon ishte i vdekur në atë kohë?

MJEKU: Në mos qysh në fillim, deri sa mbarova unë, qe me siguri.

***

AVOKATI: Doktor, para kryerjes së autopsisë, a e kontrolluat pulsin e pacientit?

MJEKU: Jo?

AVOKATI: Presionin e gjakut?

MJEKU: Jo.

AVOKATI: Frymëmarrjen?

MJEKU: Jo.

AVOKATI: Pra, pacienti mund të ketë qenë ende i gjallë kur filluat autopsinë?

MJEKU: Jo.

AVOKATI: Si mund të jeni kaq i sigurtë, doktor?

MJEKU: Sepse truri i tij ishte në tryezën time, brenda një vazoje qelqi.

AVOKATI: Po mirë, akoma dhe sikur kështu të jetë, do ishte e pamundur të qe akoma i gjallë?

MJEKU: Po, është e mundur! Mund të jetonte akoma e të ushtronte profesionin e juristit!

© AlbStroka.com