Për NE

© Lorena Stroka

Sa fjalë zvarritëm kohës,
sa brenga fshehëm thellë,
sa lotë zemre derdhëm jastëkut të prehjes,
sa re të hirta mërguan tonit qiell?!
Sa herët e lodhëm shpirtin,
me dyshime, tabu dhe pse?!
Sa lehtë e dorëzuam ndjenjën më të shenjtë,
sa pak luftuam për atë NE?!
Sa herë humbëm Labirinthit të Arsyes,
ligjeve të shkruara, asaj që quhet “e drejtë”?!
Sa shumë menduam për të tjerët,
sa keq më vjen për NE, o jetë?!

nga libri – KUDO DHE ASKUND

© Lorena Stroka