Kur qan s’nxjerrë lotë por… gurë

Nga Lorena Stroka

Në një fshat të largët të Indisë, pranë provincës Hyderabad, vogëlushja shtatë vjeçare Kura Nitya së bashku me familjen e saj gjatë dy javëve të fundit vunë re një fenomen te veçantë. Kur vajza qan, nga syri i djathtë, në vend që të rrjedhin lotë, dalin gurë mikroskopikë. Fenomeni filloi në datën 26 tetor, sipas vogëlushes kur gurët dalin nga syri i saj ndjen veç një enjtje të lehtë në pjesën e poshtme dhe asnjë dhembje. Shkenca nuk është në gjendje të japë përgjigje të mjaftueshme, ndërsa okulistët që ekzaminuan rastin e shtatë vjeçares nuk arrijnë të kuptojnë se si ndodh ky paradoks. Gjyshi i Kura, z. Gopal Reddy, deklaroi për gazetarët: “Fillimisht menduam se mos qe ndonjë forcë hyjnore dhe iu lutëm zotit që të ndalonte”. Familja i dorëzoi gurët shkencëtarëve, për hulumtim të mëtejshëm./AlbStroka.com/

© Ndalohet ribotimi i shkrimit pa autorizimin e autores.