Ku ishim dje, ku jemi sot?!

Ku qemë dje, ku jemi sot?!

© Lorena Stroka

Ku ishim dje, ku jemi sot,

ç’nuk bëmë për të mos derdhur më lotë?!

Morëm dhenë, larg shkuam,

s’lamë më popuj pa takuar.

Pak na deshën, shumë na shanë

me gisht na treguan në çdo anë.

S’qenë të paktë dhe ata

që mohuan se nga janë,

për një copë bukë e shtrat të ngrohtë

u vetëquajtën vorio-epiriotë.

S’di në ish më mirë atëherë

apo kështu siç jemi bërë sot,

pera-pera u shpërndamë

si jetimë nëpër botë…!

nga libri - KUDO DHE ASKUND