KU KA QËNDRESË, KA DHE SHPRESË!

Nxitja e viktimizimit të rinisë (qelizës së shoqërisë), për përfitime dhe mbajtje karrigesh nga persona të padenjë e me ambicie politike, po vë në rrezik të vërtetë çeljen e filzave të reja për shpresë dhe ardhmëri premtuese!

Në këto 28 vjet qeveritë nuk kanë bërë asgjë thelbësore për përmirësimin e kushteve të jetesës së shqiptarëve, përkundrazi janë marrë vetëm me shtimin e pasurisë së tyre! Dhe për këtë i kemi ndihmuar edhe vetë ne, duke i rizgjedhur kushedi sa herë!

Është e trishtë që për të disatën herë, janë të rinjtë ata që paguajnë për gabimet dhe mosveprimet e më të mëdhenjve. Roli i shtetit është të kuptojë mjedisin e ri dhe dinamikën e gjërave. Të vendosë në kohë rregullat që do të sigurojnë qëllimet ekonomike dhe prosperitetin e të rinjve, të cilët po detyrohen të largohen masivisht, si të ishin pa atdhe!

Sot, më shumë se kurrë, populli shqiptar thirret të ripërcaktojë nocionet e “demokracisë” dhe “lirisë!” Kërkohet ndeshje e ashpër! Në këtë luftë, shpirtrat preferencialë do të udhëheqin vendin drejt një “pastrimi” të domosdoshëm. Vetëm me ndërgjegje të pastër patriotike do të shkojmë drejt pavarësisë kombëtare nga fuqitë korrupsionale! Nëpërkëmbjes po i vjen fundi! Është përgjegjësia jonë të jemi vigjilentë!/albstroka.com/

© AlbStroka.com