Historia e bandës kriminale “DALTON”

Nga Lorena Stroka

“Banda Dalton” ishte një grup i njohur kriminal që veproi në Amerikën Perëndimore gjatë viteve 1890 – 1892. Banda përbëhej nga katër vëllezër: nga Grattion (lindur më 1861), William (1866), Bob (1869) dhe Emmett (1871). Emri i tyre u bë shumë i njohur kryesisht në shtetet perëndimore të Shteteve të Bashkuara të Amerikës, pasi numri i trenave dhe bankave që kishin plaçkitur nuk kishte të sosur.

Familja Dalton ishte me origjinë nga Jackson Country (Missouri). Babai i tyre, Louise, mbante një sallon në Kansas, derisa  u martua me Adeline Younger dhe u zhvendosën në veriperëndim të Oklahomës. Atje, qëndruan deri në vitin 1882. Në 1886 u transferuan në Kansas, ku bënë 15 fëmijë, 2 prej të cilëve vdiqën pa mbushur 18 vjeç. Frank Dalton u vra në vitin 1887 në orar punë, nga një hajdut kuajsh. Thuhej se ishte më çapkëni dhe trimi i të gjithë vëllezërve, të cilët e respektonin dhe e kishin si modelin më të mirë. Adhurimi i vëllezërve Grattion, Bob dhe Emmett ndaj Frankut ishte një shkak i mirë për ata t’ i shërbenin ligjit!

Frank Dalton

Frank Dalton kishte karakter të veçantë, ishte shumë i përhedhur dhe nevrik. Imagjnoni, në moshën 19 vjeçare, ndërsa ishte ndihmës sherifi, qëlloi dhe vrau një burrë. Edhe pse pretendoi se e vrau në mbrojtje e sipër, ngjarja në fjalë, tronditi sa opinionin publik po aq dhe autoritetet shtetërore. Nuk vonoi shumë dhe në vitin 1890 u akuzua përsëri për importim ilegal pijesh në territor Indian, por me pagesën e garancisë dhe shkurtimin e përkohshëm të tij nga puna arriti t’i shpëtonte gjyqeve.

Grattion Dalton

Vrasja e Frank Dalton dhe jeta tronditëse e Bobit në kombinim me humbjen e fermës së tyre familjare për ndërtimin e hekurudhës, i bënë vëllezërit të merrnin rrugën e paligjshmërisë. Bob Dalton thirri George «Bitter Creek» Newcomb, Charley Pierce dhe Blackfaced, Charlie Bryant dhe u propozoi që së bashku me vëllain e tij Emmet të krijonin një bandë. Grattion dhe Bill Dalton iu bashkuan grupit pas një kohe relativisht të shkurtër, ashtu si dhe Bill Doolin, Dick Broadwell dhe Bill Powers.

Emmett Dalton

Në 5 nëntor 1892 banda tentoi aktin e fundit të paligjshëm. Gjatë përpjekjes së tyre për të vjedhur një bankë në Kansas, u perceptuan nga publiku dhe gjatë shkëmbimit të zjarrit që pasoi u vranë që të katërt. Megjithatë, shpëtoi i plagosur rëndë Emmet, i cili u dënua me burgim të pëjetshëm.

 © Albstroka.com