GJENI LIND APO BËHESH?

Për shumë vite askush nuk kishte mundur të jepte një përgjigje bindëse në lidhje me këtë temë. Askush përveç njërit: Laszlo Polgar-it, frymëzuesit të eksperimentit dhe përgjegjësit të këtij projekti kaq interesant. Polgari ishte një psikolog i specializuar në arsim dhe pedagogji, si dhe një shahist goxha i mirë. Qysh në moshë të re, Laszlo Polgar-in e mundonte pyetja klasike: “Talenti është diçka e lindur apo e fituar?”

Gjenet janë ato që e bëjnë dikë të shkëlqejë në një fushë të caktuar (p.sh. matematikë, pikturë, muzikë) apo edukimi dhe mjedisi rrethues?

Polgar-i studioi biografitë e më shumë se 400 personaliteteve të konsideruara gjeni në fushën e tyre, nga Mozarti deri tek Ajnshtajni, dhe arriti në përfundimin se të gjithë ata deri në moshën 3 vjeç kishin ardhur në kontakt me “profesionin” e tyre të ardhshëm, ndërsa pas moshës 6 vjeç kishin filluar trajnime intensive dhe të specializuara në këtë temë.

Motoja e tij ishte: “Çdo fëmijë i lindur dhe i rritur i shëndetshëm është një gjeni i mundshëm”. Madje vendosi të kalonte nga teoria në praktikë, duke zbatuar të njëjtën teori edhe te fëmijët e tij të ardhshëm./albstroka.com