EUROPA 4000 VJET MË PARË: GRATË UDHËTONIN DHE BURRAT RRININ NË SHTËPI

Nga Lorena Stroka

Në qoftë se mendoni se në shekujt e kaluar burrat luftonin dhe gratë kujdeseshin për fëmijët e shtëpinë, kërkimi i mëposhtëm do t’ju bindë për të kundërtën!

Sipas një hulumtimi gjerman të botuar në PNAS, në fund të epokës së Gurit dhe në fillim të epokës së Bronzit, pra gati 4000 vjet më parë, gratë bënin jetë endacake, ndërsa burrat parapëlqenin të shijonin ngrohtësinë e mjedisit të shtëpisë.

Për të arritur në këtë përfundim, ekspertët shqyrtuan provat gjenetike dhe arkeologjike të mbi 84 personave (shumica anëtarë të së njëjtës familje), të cilët kishin vdekur ndërmjet 1650-2500 p.e.r në Lech të Augsburgut (Gjermani). Për habinë e tyre të madhe, vërejtën se pjesa më e madhe e grave vinte nga rajone të tjera, ndërsa burrat nga zonat përreth.

Shkencëtarët hamendësojnë se lëvizshmëria e grave në zonë nuk ishte thjesht një rastësi, por një dukuri mjaft e përhapur në Europën Qendrore për një periudhë gati 800 vjeçare, midis epokës së Gurit dhe Bronzit.

Ndërsa gratë përshkonin distanca të tëra nga një vend në tjetrin, rreth 300-500 km larg vendlindjes së tyre, burrat qëndronin pas dhe kujdeseshin për shtëpinë. Duke marrë parasysh të gjitha këto, është lehtësisht e dallueshme  të kuptojmë se gjithçka që kemi dëgjuar në lidhje me rolin e grave dhe burrave në shekujt e kaluar nuk është plotësisht e vërtetë. Është e qartë që historia është treguar disi e padrejtë ndaj grave, sa i përket ndikimit të tyre në shkëmbimin e ideve dhe objekteve kulturore, pasi thuajse në çdo botim historik u është dhënë më shumë përparësi heroizmave e bëmave të burrave sesa rolit të vërtetë të grave, përtej atij të mëmësisë dhe mbajtjes së shtëpisë./albstroka.com/

© AlbStroka.com