Engjëj, sot është dita juaj!

Nga Lorena Stroka

Asambleja e Përgjithshme e OHE me vendim të njëzëshëm (1983) themeloi 4 qeshorin si “Ditën Ndërkombëtare kundër Dhunës ndaj Fëmijëve”, duke dashur në këtë mënyrë t’u kujtojë të gjithëve keqpërdorimin fizik, mendor dhe emocional që miliona fëmijë përjetojnë në mbarë botën. Duke marrë si shkak agresivitetin e shtetit Izraelit ndaj një numri të madh fëmijësh me origjinë palestineze, kjo ditë u caktua për të sensibilizuar jo vetëm qeveritë por dhe qytetarët e thjeshtë anembanë botës për çështjen e dhunës ndaj fëmijëve të vegjël, kudo që ndodh, qoftë masivisht apo në nivel të kufizuar.

Nuk ka rëndësi nëse dhuna shkaktohet nga luftërat apo mjedisi familjar, rëndësi ka rezultati i padëshiruar, pasi që në të dyja rastet kemi të bëjmë me asgjësim të shpirtrave të pafajshëm. Statistikat, për fat të keq, trondisin. Imagjinoni, gjatë 20 viteve të fundit mbi 2 milionë fëmijë u vranë në luftëra të ndryshme, ndërsa rreth 80.000 të tjerë bien viktima të vetë familjeve së tyre në Amerikën Jugore dhe Karaibe.

Ngaqë bota nuk është engjëllore, dhe fëmijët nuk kanë asnjë përgegjësi për këtë situatë të krijuar, jemi të detyruar t’i mbrojmë ata në çdo hap të tyre. Fëmijët janë e ardhmja jonë, vazhdimësia jonë, duhet t’u qëndrojmë pranë në çdo kohë. S’ka rëndësi nëse disa nga ne janë apo jo prindër vetë./AlbStroka/

© AlbStroka.com