SI TË DOBËSOHENI ME JARGË HARDHUCE!

Nga Lorena Stroka

Barna e prodhuar nga jargët e hardhucës gjigande (Gila monster, të cilën e ndeshim në Amerikën e Veriut), së shpejti pritet të shndërrohet në një nga “armët” më të forta të shkencëtarëve që angazhohen me prodhimin e pilulave të dobësisë. Hardhuca nuk sekreton helm si gjarpërinjtë, por përtyp dhe vret viktimat e saj përmes jargëve helmuese. Në jargët e saj gjendet përbërësi exendin-4, i cili përbën bazën e një medikamenti kundër diabetit tip 2 (agonist i GLP-1R). ILaçi në fjalë, qarkullon në formë injeksioni dhe u vjen në ndihmë të gjithë atyre që kanë probleme me nivelet e glukozës në gjak, për shkak të stilit të jetesës bashkëkohore…

Hulumtuesit e Universitetit të Gothenburg gjatë studimit të exendin-4 në minj vërejtën diçka mjaft interesante… ulje oreksi. Efekti i substancave në tru identifikohet në të njëjtat pjesë që lidhen dhe me dëshirën për alkool.

Studimi i botuar në revistën shkencore “Journal of Neuroscience”, vlerësohet se në të ardhmen do të çojë në zbulimin e metodave të reja për luftimin e mbingrënies./AlbStroka.com/

© AlbStroka.com