Dita Botërore kundër Kancerit

Nga Lorena Stroka

Data 4 shkurt është themeluar si Dita Botërore kundër Kancerit. Bëhet fjalë për një iniciativë të Unionit Ndërkombëtar Kundër Kancerit (UICC) dhe Organizatës Botërore të Shëndetit (WHO). Qëllimi i kësaj dite është informimi i publikut të gjerë, për t’u ndërgjegjësuar dhe për të bërë çdo përpjekje të mundshme për parandalimin e kësaj sëmundjeje serioze që jo gjithmonë është vdekjeprurëse. Sipas të dhënave të dy organizatave ndërkombëtare, çdo vit, mbi 12 milionë personave u diagnostikohet një lloj kanceri, dhe 7.6 milionë njerëz humbasin jetën e tyre nga disa lloje kanceri. Specialistët thonë se rreziku i shfaqjes së kancerit, mund të reduktohej deri në 40% në qoftë se adoptoheshin masat e duhura të vetëmbrojtjes dhe parandalimit në kombinim me një ndryshim rrënjësor të mënyrës së jetesës, si ndërprerja e duhanpirjes, ushqyerja e shëndetshme, kufizimi i konsumit të alkoolit dhe reduktimi i ekspozimit në diell./AlbStroka.com/

© www.AlbStroka.com