Shkroi/interpretoi: Lorena Stroka

Shkroi/interpretoi: Lorena Stroka

Më prit

Buzë detit do vrapoj,
këmbëzbathur si fëmijë,
leshrat supeve do i lëshoj,
gjurmët rërës do më sjellin tek ty…

Edhe nëse vala i ka mbuluar,
unë do të gjej përsëri,
harta e zemrës që s’gabon kurrë,
do më tregojë se ku je ti…

Ndaj më prit aty ku je,
si të ish’ fillim i ri,
mos beso në të tjera buzë,
pa më takuar përsëri…

Edhe pse jeta na ndau kot,
pa arsye na dënoi me vetmi,
kurrë s’rreshtëm së besuari
në të ndjenjës sonë fuqi…

© botuar në librin “KUDO DHE ASKUND”