BIMA QË SHËRON PROBLEMET E SHIKIMIT

Nga Lorena STROKA

Moreja ose siç njihet ndryshe kopra është një bimë jetëshkurtër, e njohur më së shumti për vetitë e saj shëruese.

Është vërejtur se çaji i përfituar nga bima e koprës, jep rezultate të shkëlqyera në shkrirjen e gurëve në veshka. Përveç eliminimit të kripërave të tepërta, masave të forta, pastron gjithashtu dhe rrugët urinare, duke çuar kështu në heqjen e helmeve nga organizmi në mënyrë krejt natyrale (përmes urinimit).

Krahas dobive që ofron në lidhje me funksionin e mirë të veshkave, bima në fjalë është tejet efikase dhe në trajtimin e problemeve të shikimit.

Mund të konsumohet me pak lëng, por dhe e pagatuar për ata që vuajnë nga sytë. Në mënyrë të veçantë, merrni një tufëz kopre, lajeni mirë, ziejeni në pakëz ujë, në vazhdim kullojeni, dhe në lëngun e mbledhur lagni dy copëza fashe dhe vendosini mbi sy. Shumë shpejt, do të vëreni përmirësim të madh.

Sa i përket vetive shëruese të koprës në lidhje me shikimin e mirë, u zbuluan gabimisht  nga gjarpërinjtë, të cilët kur dilnin në sipërfaqe pas një kohe të gjatë nën tokë, nuk shihnin qartë, e çuditërisht sapo i fërkonin sytë me kopër rifillonin të shikonin!/albstroka.com/

© AlbStroka.com