Ashtu si gishtat dhe buzët kanë shenja!

Nga Lorena Stroka

Shenja të veçanta ashtu si gishtat kanë dhe buzët, të paktën këtë mbështesin shkencëtarët Portugezë dhe Japonezë që studiuan buzët e qindra vetëve në vendet e tyre. Dhe sigurisht shkenca e re ka emërtim Grek χειλεοσκόπηση – skopi buzësh.

“Skopia e buzëve është ekzaminimi i vijëzave të holla në pjesën e jashtme të buzëve të njeriut”, shpjegon Xheri Karsprxhak, shkencëtar Polonez, i cili citon përfundimet e ekspertëve që kanë studiuar buzët e 1364 personave: “Të dy Japonezët konstatuan se modeli i vijëzave të buzëve është unik te çdo njeri” – shton ai vetë.

Interes të veçantë për studimin në fjalë kanë treguar policët të cilët shpesh herë gjejnë shenja të tilla në vende të ndryshme krimesh dhe do donin t’i përdornin si të dhëna ndihmëse në hetimet e tyre. Megjithatë, ka disa probleme praktike që nuk i lejojnë ekspertët të vërtetojnë saktësisht nëse buzët janë unike te çdo njeri, pasi kjo fushë shkencore është ende e re.

Për shembull, përpjekjen e policëve vështirëson përparimi i teknologjisë që përdoret në industrinë e kozmetikës. Buzëkuqët e rinj që mbesin të pandryshuar dhe qëndrojnë për disa orë, mbulojnë vijëzat unike dhe nuk lënë shenja.

Për këtë qëllim, një grup shkencëtarësh Spanjollë realizuan disa eksperimente me kimikate, përdorën pra, një substancë të kuqe për të sjellë në dritë vijëzat e mbuluara nga buzëkuqi.

Së fundi, sipas shkencëtarëve Indianë, vijëzat e buzëve ndryshojnë nga burri në grua. Në një studim të tyre arritën të dallojnë me saktësi se cilës gjini i përkisnin shenjat./Albstroka/

© AlbStroka.com