AQ SA NUK DINI PËR KUKUVAJKAT

Nga Lorena Stroka

Kukuvajkat janë zogj grabitqarë, me kokë të gjerë dhe pak të shtypur, sy të verdhë e të rrumbullakët, sqep të thyer, dhe bisht të gjatë në ngjyrë hiri e me njolla të bardha nëpër të, që dalin natën.

Megjithëse kukuvajkat dallohen për këmbë të fuqishme dhe kthetra të forta, vështirë se dikush mund të hamendësojë gjatësinë reale të gjymtyrëve të tyre të poshtme, e cila është tepër impresionuese, dhe kjo për shkak të palosjes së trupit që ato bëjnë.

Nëse gjatësia e këmbëve të kukuvajkave ju duket e pazakontë, në raport me pjesën tjetër të trupit të tyre, atëherë çfarë do të thonit për rrotullimin 270 gradësh të kryeve të tyre? A e dini, që sytë e zogjve në fjalë, në të vërtetë, nuk janë gjë tjetër veçse organe të palëvizshme në formë tubi që ofrojnë vizion binokular, në mënyrë që të fokusohen plotësisht te gjahu i mundshëm.

Së fundi, diçka tjetër që shumë njerëz, ndoshta nuk dinë në lidhje me kukuvajkat është natyra “kanibale” që i karakterizon. U pëlqen të ushqehen me zogj të vegjël dhe minj./albstroka.com/

© AlbStroka.com