SI QUHET LIBRARIA MË E VJETER NË BOTË?

Nga Lorena Stroka

Për ata që nuk e dinë, por që kanë dëshirë ta mësojnë, libraria Bertrand, në Lisbonë, njihet si më e vjetra në botë. Libraria në fjalë, u çel për herë të parë në vitin 1732, megjithëse nuk operonte gjithnjë në të njëjtën pikë… Vite më vonë, më konkretisht në 1755, pasi shkatërrimit tërësor, si pasojë e një tërmeti të madh, u zhvendos në rrugën Garrett 73-75.

Pavarësisht faktit që libraritë Bertrand nisën të operojnë në të gjitha qytetet e Portugalisë, e para vijon të përbëjë pikë referimi akoma dhe sot. Për shumë kohë, dyqani i Peter Faure u shndërrua në vendtakim të rëndësishëm për shkrimtarët, intelektualët, politikanët dhe letrarët më në zë të Portugalisë, të cilët ishin në kërkim të botimeve të rralla e cilësore./albstroka.com/

© AlbStroka.com