HISTORIA E VAZELINËS DHE PËRDORIMET E SHUMËFISHTA TË SAJ

© Lorena Stroka

Përshëndetje të gjithëve!

Emërtimi vazelinë u përdorë për herë të parë në vitin 1872 nga amerikani Robert Chesebrough, i cili shkroi në patentën e tij: “Unë Robert Chesebrough, kam shpikur një produkt të ri e të dobishëm nga nafta të cilin e kam quajtur vazelinë.” Emri i saj rezultoi nga përbërja e dy fjalëve të huaja wasser = (gjerm. ujë) dhe έλαιον= (greq. vaj).

Qysh atëherë përdorimi i vazelinës është përhapur gjithandej. Shumë kompani të njohura kozmetike e përdorin atë si bazë për prodhimin e produkteve kozmetike. Nga ana tjetër, përdorimi i shpeshtë i saj ka krijuar shumë konflikte mes specialistëve. Le të shohim së bashku disa prej përdorimeve më të sigurta të këtij produkti të dobishëm…

• Zbutë/lëmon pjesët e ashpra të lëkurës (bërrylat, gjunjët, thembrat). Para se të flini, aplikoni pakëz vazelinë në thembra, vishni çorape dhe shtrihuni qetësisht. Të nesërmen në mëngjes ndryshim do të jetë mahnitës.
• Ushqen, hidraton dhe mbron thonjtë nga çdo dëmtim i mundshëm.
• Ju mbron nga ngjyrimet e padëshiruara. Para se të lyeni flokët, përhapni pak vazelinë rreth linjës së flokëve.
• Shtron qimet e ashpra të vetullave.
• Heq çamçakëzin e ngjitur në flokë, mjafton ta punoni pak me gishta.
• Shkëlqen këpucët prej lëkure.
• Lehtëson hapjen e çdo gjëje të ndryshkur (dorezë, çezmë etj).
• Mbron pjesët e ndjeshme të lëkurës nga çdo acarim, djegie apo thatësi.
• Zbutë buzët e plasaritura dhe lehtëson heqjen e grimit të syve.
• Ofron extra-shkëlqim, po të doni aplikoni pakëz vazelinë mbi qepallat e grimuara, thjesht mos e teproni.
• Zgjatë aromën e këndshme të parfumit. Para se të përdorni parfum, përhapni pakëz vazelinë në kyçet e duarve dhe prapa veshëve.
• Shërben si scrub. Përzieni së bashku kripë të zezë/sheqer të zi dhe vazelinë, pastaj fërkoni me të krahët, kofshët dhe të pasmet. Ndihmon në heqjen e qelizave të vdekura, hapjen e poreve, qarkullimin e mirë të gjakut dhe eleminimin e celulitit./albstroka.com/

*Këshillë: Megjithëse disa e rekomandojnë vazelinën edhe për fytyrën, për mendimin tim, përdoreni shumë rrallë ose kurrë.

© AlbStroka.com