Maskë për shkëlqim fytyre (e përdor edhe unë)

Posted by: Lorena Stroka Posted date: March 12, 2013 In: Bukuri | comment : 0

Nga Lorena Stroka

Të dashur miq, bukuria është padiskutim gjëja e parë që bie në sy. E bukura u pëlqen të gjithëve. Çdo ditë qindra-mijëra njerëz në mbarë botën shpenzojnë shuma të mëdha parash vetëm dhe vetëm për të përmirësuar pamjen e tyre të jashtme. Kush është ai që s’do të jetë i ri dhe i bukur? Armiku më i madh i njeriut është koha, e cila nuk bën dallim racash, ngjyrash apo shtresash shoqërore. Pra, duke qenë të vetëdijshëm se koha do të bëjë punën e vet dhe se nuk e ndalojmë dot thjesht mundohemi ta ngadalësojmë me aq sa kemi në dorë. Një mënyrë e mirë për ta arritur këtë janë maskat e fytyrës, të cilat pa ndonjë kosto të madhe të ripërtërijnë, të falin shkëlqim dhe të hidratojnë. Më poshtë po ju publikoj një maskë të thjeshtë të cilën e përdor dhe unë një herë në javë: Rezultatet janë të kënaqshme… Ju rekomandoj ta provoni…

1 lugë (supe) xhel aloe vera

2 vitamina Absorbent C

Thërrmoni dy vitaminat derisa të bëhen pluhur pastaj përziejini mirë me xhelin aloe vera. Apikojeni (masën) në fytyrë të pastër, lereni 15 minuta, shplani fytyrën me ujë të vakët, pastaj me të ftohtë.

Maskën bëjeni në pasdite ose në darkë. Mundohuni të shmangni përdorimin e produkteve me vitaminën C sepse kur ekspozoheni në diell krijohen njolla. Brenda një periudhe të shkurtër kohore do të shihni ndryshimet në lëkurën tuaj, ajo do të jetë më elastike, më e freskët, pa skuqje dhe mbi të gjitha do të shkëlqejë./AlbStroka.com/