Kujtim i largët

Kujtim i largët

© Lorena Stroka

Ti ishe me atë,
unë me dikë tjetër
koha kish’ pluhurosur
dashurinë tonë të vjetër.

Kur të pashë përkrah saj,
gruas pa emër,
një mal malli m’u rrëzua
mbi të gjorën zemër.

Mjaftuan disa vështrime
e ca vargje në letër,
të ndizeshin shkëndijat
e një dashurie në mes mbetur.

Kur më the: “U ndava, jemi të lirë,
pengesë tjetër s’kemi për të gjetur”,
diçka krisi brenda meje,
ish’ koha për të heshtur.

*nga libri: KUDO DHE ASKUND