Lumi që buron nga Parajsa!

Nga Lorena Stroka

Lumi Cano Cristales përbën një mrekulli biologjike. Ndodhet pranë qytetit La Macarena, në Kolumbi, të Amerikës Jugore. Lumi është i njohur për ngjyrat manhitëse që ka, ndaj shumë herë konsiderohet si lumi më i bukur ose lumi që “buron” nga parajsa. Kur kushtet e ujit janë të përshtatshme, llojet e ndryshme të algave që ndodhen në ujë, lulëzojnë duke mbushur sipërfaqen me njolla shumëngjyrëshe dhe tejet impresionuese. Ndjesia që të krijon një imazh i tillë është shumë e vështirë për t’u përshkruar me fjalë.