5 pijet më të shtrenjta në botë!

Nga Lorena Stroka

A do të jepje 160.000 dollarë për një shishe verë, madje aq të vjetër sa s’pihet më… ?

Henri IV Dudognon Heritage Cognac Grande Champagne

Bëhet fjalë për konjakun më të shtrenjtë në botë, dhe jo vetëm për përmbajtjen por edhe për paketimin. Prodhimi i tij filloi në vitin 1776 dhe vjetërohet në fuçira për më shumë se 100 vjet. Shishja është e veshur me flori 24 karatsh dhe platin, ndërsa është e dekoruar me 6.500 diamante të çertifikuar. Shishen e bëri Jose Davalos dhe kostoja e saj arrin në 1.946000 dollarë.

La Ley del Diamante (Diamond Sterling) Tequila

Këtu paguan shtrenjtë sa shishen po aq dhe pijen, shishja është punuar nga 32 artizanë Meksikanë. Platinumi dhe argjendi në kombinim me 6000 diamante dekorojnë tekilën më të shtrenjtë në botë. Përmbajtja e saj përbëhet nga proporcione tekilash 3, 6 dhe 9 vjeçare. Çmimi i shishes është 1.547.880 dollarë.

DIVA Premium Vodka

Lëndët e para por dhe rafinimi special janë ato që e bëjnë këtë pije të veçantë. Është e bërë me ujë mineral natyral të distiluar tri herë. Herën e parë përmes akullit, të dytën, nëpërmjet një thupëre Skandinave dhe së fundi përmes diamanteve të thërmuar dhe gurëve të tjerë të çmuar. Shishja është e zbukuruar me gurë të çmuar dhe gjysmë të çmuar. Çmimi i saj është rreth 1.060.000 dollarë, megjithatë kostoja nuk është standarde, ajo mund të ndryshojë në varësi të gurëve të çmuar që i interesuari kërkon që të ketë shishja.

Wine 1787 Chateau Lafite

Është aq e vjetër sa njerëzit dyshojnë nëse pija ende është e konsumueshme. Chateau Lafite është blerë fillimisht nga Thomas Jefferson në Francë, dhe u shit në ankand (Londër) në vitin 1985. Tashmë, pronari i saj është një koleksionist Britanik, i cili dha 160.000 dollarë për ta blerë atë.

Nun’s Island, 25-Year-Old Pure Pot Still Whisky

Është rumi më i shtrenjtë që qarkullon sot për sot. Për fat të keq, nuk ekzistojnë shumë informacione lidhur me atë. Shishet u distiluan në shek. XIX. Shishja vlerësohet të arrijë në një çmim prej 194.660 dollarë.

© Albstroka.com