JETA FERR E TË VEJAVE NË INDI!

Nga Lorena Stroka

Jeta e një të veje në shumë zona të Indisë ngjan me ferr të vërtetë. Sipas traditave vendase gratë që humbin burrat e tyre sjellin tersllëk ndaj dhe konsiderohen të padëshiruara.

Menjëherë pas vdekjes së bashkëshortëve, grave u rruajnë kokën me brisk, u bëjnë një shenjë dalluese në mesin e vetullave dhe i përzënë nga shtëpia, duke u ndaluar çdo kontakt me familjarët ose fëmijët (në rast se kanë). Krejt të braktisura, pa pasur asnjë lloj mbështetjeje detyrohen të udhëtojnë drejt Vrindavan-it.

Qyteti i Vrindavan-it është i vetmi vend që mund t’i strehojë. Nga 50.000 banorë gjithësej, 20.000 prej tyre janë gra të veja që kanë shkuar atje nga krahina të ndryshme të vendit.

Mirëpo, akoma dhe aty mbijetesa vazhdon të jetë e vështirë. Gratë të cilat nuk kanë arritur t’i bashkohen komunitetit të të vejave (dhe nuk kanë një pjatë gjellë për të ngrënë) detyrohen të lypin rrugëve./AlbStroka.com/Kam përshtypjen se ky qëndrim duhet të jetë vetëm për gratë e varfëra dhe jo për të pasurat apo të famshmet!

© www.AlbStroka.com