You Are Here: Home » Mjekësi » Ja si do të jenë gratë në të ardhmen e afërt…

Ja si do të jenë gratë në të ardhmen e afërt…

Nga Lorena Stroka

A jeni vetëpyetur ndonjëherë se cilat do të jenë tiparet e jashtme të grave pas disa dekadave? Do jenë si tani? Evoluimi i jetës tregon se ndoshta nuk do të kenë më të njëjtën paraqitje. Sikurse dhe sot, gratë janë krejt të ndryshme krahasuar me kohën kur u shfaqën për herë të parë në Tokë.

Në qoftë se ju pëlqejnë femrat e gjata dhe të holla, atëherë nxitohuni të bëni zgjedhjet tuaja, pasi lajmet nuk janë aspak të mira për ju. Ndërsa juve që ju pëlqejnë femrat e mbushura dhe pak të shkurtra, ia hodhët, fati është me ju. Të gjitha këto do të ndodhin pas disa dekadash, ndaj aktualisht, mjaftohuni me këto që keni të shëndosha, të dobëta, të shkurtra apo të gjata…

Ekipi i profesorit të biologjisë evolucionare, Stiven Sterns, në një studim të botuar në revistën New Scientist, vëreu se brenda vitit 2050 gratë do të ndryshojnë sa organikisht po aq dhe në tipare të jashtme.

Në vija të përgjithshme, gruaja në vitin 2050 krahasuar me të tanishmen do të jetë 2 deri në 5 cm më e shkurtër dhe 1 deri në 3 kg më e shëndoshë. Shkencëtarët e Yale studiuan kartelat mjekësore të 14.000 banorëve të Masaçusetsit, nga 1948 deri më sot, të cilat thelbësisht mbulojnë tre breza në mjaft familje.

Vërejtën se gratë më të shkurtra e të mbushura, mesatarisht, priren të lindin më shumë fëmijë në krahasim me gratë më të gjata e të dobëta. Gjithashtu, gratë me tension të ulët gjaku dhe nivel më të ulët kolisteroli në gjak, janë të prirura të bëjnë më shumë fëmijë. Në dekadat e ardhshme, gratë do të lindin fëmijën e tyre të parë më herët dhe do të kalojnë në fazën e menopauzës në moshë më të madhe…

Me teorinë evolucioniste këto tipare do të kalojnë nga nëna te e bija e kështu me rradhë. Në qoftë se kjo gjë vazhdon për 10 breza rresht, atëherë, shkencëtarët llogarisin se në vitin 2050 gruaja do të jetë më e shkurtër dhe më e mbushur.

Krahas të lartpërmendurave, shkencëtarët gjetën se gruaja përveç ndryshimeve në tiparet e jashtme do të ketë dhe ndryshime të tjera organike: Do të lindë fëmijën e saj të parë 5 muaj më herët, si dhe do të hyjë në menopauzë 1 vit më vonë./AlbStroka.com/

P.S: Sa për ju hajdutët/kopjacët do t’ju sugjeroja ta merrnit pak shtruar se latë nam, zeroja (si ju) mbetet ZERO, s’bëhet dot 1 sado që të vjedhë!

© www.AlbStroka.com

Copyright © 2008-2017 AlbStroka.com

Scroll to top